期待五二七决战

期待“五二七”决战

欧冠盃皇者之战巴塞火拼曼联要去到本月二十七日晚先有得睇，不过，近日见到球圈波友都係问同一句：“阿Ben场波点睇？”我亦都答同一句说话：“我肯定用眼睇，唔知你哋用耳抑或用鼻去睇？”哈哈，讲下笑。

场波打成点？边队能够捧盃？当然冇人能够未卜先知，就算卜到都未必知，因为两队实力实在半斤八两难分高下，暂时收到“路边社”消息透露，曼联中场工兵费查因为上诉失败，所以肯定做座上客睇波。不过，对曼联应该影响不大，始终费查个位大把球员顶替，除夏格维斯及布朗两个长期病患者之外，费爵爷可以精锐尽出，所以在人脚配搭及调动方面，曼联比较完整。

相反，巴塞受到球员“伤停”关係，肯定唔可以排出最强阵容出击，艾比度及艾华斯需要停赛，加埋因伤缺阵的马基斯，巴塞后防已经出现极大隐忧。巴塞一向都以攻力强劲令对手闻风丧胆。不过，随阵中两大攻击手亨利与恩尼斯达受伤，近期攻力大打折扣，能否赶及“五二七”终极之战复出，真係未必乐观。其实唔单止係巴塞损失，亦都係球迷损失，因为少咁多好波之人，相信精彩程度及观赏性都未必咁悦目，但无论如何呢场世纪之战，点都要放眼睇。（互联网）

黄南工业设计

常州工业设计

扬州产品设计

黔西工业设计